Shillong, Iaiong 29: U myntri khynnah ba dei peit ia ka tnad pynroi ia k thain shatei lam mih ngi jong ka Ri India u B L Verma haba kren ha ka jingialang ban rakhe “Azadi Ka Amrit Mahotsav” halor ka phang “ ka jingseng kam ha ki jingpynmih ia ka bording ha kane ka Thain shatei lam mih ngi jong ka Ri India” la ong ba ki jylla kane ka thain ki dei ban shim ia ka kabu ban pyntrei kam ia ki skhim ka sorkar pdeng bad ha ka juh ka kidei ban pyndon kamia ka pisa kaba la ai sha ki.
Kane ka jingrakhe ia ka AAM ka long ban rakhe ia ka jingdap 75 snem jong ka jinglaitluid jong ka Ri India, ia kane ka jingialang la pynlong da ka tnad pynroi ia ka thain shatei lam mih ngi jong ka Ri India ryngkat ka sorkar Meghalaya bad ka North Eastern Council, ka jingkren u myntri ka sorkar pdeng u la pynshai ia kaei kaba u myntri rangbah duh jong ka Ri u pyrkhat ia kane ka thain.
Ka sorkar pdeng ka peit kumno ban shna ia ki surok ha kane ka thain ban pyniasoh na kawei ka jaka sha kawei pat. Ha kane ka sngi u myntri khynnah ka sorkar pdeng u la kyntu jur ia ki jylla kane ka thain shatei lam mih ngi jong ka Ri India ba kin pyndon kam lut ia ka pisa kaba la mang na ka bynta jong ki, kum ha ka tnad pynmihbor ding, kad Liengsuin, ka tnad phah jingtip bad kiwei kiwei ki kam kiba la bei pisa da ka sorkar pdeng.
Ha kane ka sngi la pyniruh ia ka jingdon ki lat ki lynti ba ka NEDFI ka don ban bei pisa ha kikam ki jam ba ki briew ki lah ban seng kam, ha kane ka jingialang ia ia mir jingmut kumno ban weng ia ki jingeh khnang ban lah ban bei pisa sha kane ka thian ka seng kam seng jam khlem da ktah ia ka mariang.
Ha kane ka sngi la don lang ka Chief Secretary jong ka jylla Meghalaya, kiwei ki ophisar kiba la ia don lang ki long na ka DONER, tna pynmih bor ding, Ka tnad ba peit ia ki kam pyniaid leengsuin, tnad phah jingtip, MNRE, ka World Bank, IIM Shillong bad bun ki heh na ki kompeni kiba donha kane ka thain.
