Ki stad saian na Finland kila lah ban pynkylla Umphniang na ki siej: Dr Mukul

wp_20161027_028Shillong, Risaw 27: Haba plié ia ka jaka ai jinghikai ha ki kam thain kti mynta ka sngi, ha Nongrim Hills u myntri rangbah ka   Jylla u Dr Mukul Sangma  u la iathuh ba ki stad saian ha Finland ha dien ka jingwad bniah kaba la bun bun snem mynta kila lap ba na u Siej la lah ban pynmih ia ka umphniang ban pyndon kam ha ki kali da kaba khlem lang bad ka umphniang ba ioh ia ka mariang.

U la ong ba na ka liang jong ka sorkar kala ia kren bad ka sorkar pdeng ban pynkylla ia ki katto katne ki rule, ha kaba ia dei bad ka jingkit ia ki siej na kawei ka jaka sha kawei pat, namar kawei ka jylla ka don da kawei ka ain bad kawei ka jylla ka don da kawei ka ain wat tang hapdeng ka jylla Meghalaya bad Assam ruh la ia pher.

U myntri rangbah u la buh ruh ka jingkylli, haba pynshlur iaki briew ban trei ia kine ki kam shna kti, ka jylla Meghalaya ka don byllai u siej tang ha ki kyrpong iing ruh, hynrei na ei pat yn ioh thri, ka don ka jingeh ban ioh thri mynta kumta don kam ban don lang u thri ruh.

Haba phai sha kane ka jaka ai jinghikai, u myntri rangbah u la ong ba ka kam shna tiar kaba da ki kti bad ka kam shang kai pyrthei ka dei ban ia iaid ryngkat ryngkat namar kiba thied ia kum kine ki jingshna kid ei ki briew kiba wan kai ban rah sah kynmaw sha ka Ri jong ki kaba ki wan.

Ha kane ka sngi u Dr Jemino Mawthoh u ba dei u MLA jong kane ka jaka u ba dei ruh na kane ka shnong, u la ong ba u sngewtynnad shibun ba u myntri rangbah ka jylla ruh u dei u nongshong shnong ka Nongrim Hills. U Dr Jemino u la ong ba kane ka jaka ka long ka jingkyrkhu ia ki paidbah ba kin ioh ban hikai kumno ban ieng ha la ki jong ki kjat ha kum kane ka juk jong ka jingkyrduh kam da kaba pyntbit ia lada de ban trei ha kino kino ki kam.

U la ong ba bun sien kum ki nongmih khmat kiba don ha ka liang pyrshah ki peit da kawei ka rukom bad kan long kaei kaei kaba bha lad aka sorkar ruh ka pdiang ia ki jingai jingmut haba ki pyni ia ka jingbakla, kane kan iarap, namar baroh ar liang ki trei ban kyntiew ia ka jylla ha ki liang baroh.

Ha kane ka sngi la ai khusnam ruh ia ki san ngut ki nongthian kiti bad ki nongoh dur kiba tbit jong ka jylla ha kaba baroh kiba ioh ia kane ka khusnam ki don san ngut saw ki shynrang bad ka wei ka long kmie. Kiba la ia don lang ki long u PW Ingty Additional Chief Secretary, u Bah B, Nari Rangbah shnong bad kiwei kiwei ki heh sorkar.

 

 

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet