S
hillong, Jymmang 14: U Lat jong ka jylla u Ganga Prasad mynta ka sngi u la leit ban jngoh ia ka South West Khasi Hills District, ha Mawkyrwat. Haba kren ha ka jingialang paidbah u Lat ka jylla u la ong ba ki surok ki dei ki budlum jong ka ioh ka kot jong ki paidbah.
Na ka liang jong u Lat u la ong ba un pyrshah ban leh ei ei ha kaba ia dei bad ki jingeh ha ka liang jong ki surok, ha kane ka sngi u Lat ka jylla u la shah skhor bha ia ka jingeh kaba la pynpaw na ka liang jong ka District jong ka South West Khasi Hills.
Na ka liang jong u Lat ka jylla u la kyntu ia ki ophisar kiba don ha kane ka thain ba kin trei na ka bynta ka roi ka par jong ki paidbah da kaba pyntrei kam bha ia baroh ki skhim kiba dei na ka bynta ka District.
Ha ka jingkren ka jong u Lat ka jylla u la ban jur ban pyntrei ia ki kam pynroi ha ki shnong nongkyndong na ka bynta ban kyntiew ia ka ioh ka kot ka jong ki paidbah ha baroh ki liang, kham tam eh ia ki nongrep.
U Lat u la ong ba ka jylla Meghalaya ka don shibun bah ki kabu ban pyntrei kam na ka bynta ban kyntiw ia ki nongrep kum ka rep sohsaw, ka kam thungtid ban leh ia kane don kam ia ka jingtrei shitom bad ban pynleit jingmut ha ka kam.
Ha kane ka sngi na ka liang jong ka ophis jong ka Deputy Commissioner kila pynshai ia ki skhim kiba bun jaid kiba la pyntrei hapoh jong ka District. Ha kane ka sngi la don lang u MLA jong kane ka jaka u Bah Reniton L Tongkhar, ka kong Isawanda Laloo Deputy Commissioner u Bah H G Lyngdoh Superintendent ki pulit bad kiwei kiwei ki heh sorkar jong ka District.
