Shillong. Nailar 28: Ka sorkar jylla ha ka jingpynlait khubor mynta ka sngi kala maham tyngeh iaki paidbah nongshong shnong ba, kiba bei pisa is ki seng lehnoh,kin shah set phatok khatsaw snem lynter lane ryngkat bad ka kuna, kane ka long katkum ka khubor kaba la pynmih lyngba ka tnad kam poh iing jong ka sorkar jylla.
Naka liang jong ka tand kam poh iing kala ioh jingtip ba ki don katto katne ki riew shimet bad na ki kynhun nongkhaii , ba la bthah ba kin ia noh syniang sha ka pla pisa jong kaseng lehnoh GNLA , ka sng kaba la niew beain da ka sorkar hapoh jong ka kyndon ain, Unlawful Activities (Prevention) Act 1967. La ong ba ka seng GNLA kala bthah ia ki katto katne ngut ki dkhot jong ka ban lum ia ka khajana na kabynta jong u snem 2017-17, n aka bynta ban kyrshan ia ki dkhot ka seng bad ban thied tiar ialeh.
Na ka liang jong ka sorkar kala shim khia ia kane ka jingleh jong ka seng GNLA, na ka liang jong ka sorkar ka kyntu ia ki paidbah, ki riew shimet, ki nongkhaii bad ia baroh ki seng nongkhaii ba kin pyndem ha ka jinghukum jong ka seng GNLA kiba dei tang ki nongtuh nonglute ba kin lum pisa ban leh ia kikam beain.
Kum ka jingmaham ki paidbah ki dei ban sngewthuh bakim dei ban ai ai jingkyrshan ia kane ka seng lehnoh da ka pisa lane da kano kano ka jingkyrshan, lada lap ka sorkar kan kem ia kiba aijingkyrshan yn set phatok khatsaw snem bad ryngkat ka jingdainkuna. Kino kino kiba pynbuh ia ka jingdon jingem jong ki lehnoh ia ki ruh ynpynshitom katkum ka ain bad ia ka pisa jong kito kiba buh ha bank ruh un knieh noh ryngkat ka jingdonjingem jongki.
La don kiba ioh shithi dawa kane ki SMS, lane ki email, ki dei ban pyntip sha ki bor pulit khnang ban dup lah ban kem ia kiba don kti, ka jingai pisa ia ki leh noh ka long kum ka jingpynshlur ia ki ban ban thied ia ki tiar siat bad kane ka long ka jingpynthud ia ka shong suk shongsain. Na ka liang jong ka sorkar kan ai ka jingiada n aka bynta kito kiba ai jingtip sha ki bor jong ka ain.
Ka sorkar ka kyntu ia ki paidbah ba kin kiar na kum kine ki ai ai jingiarap pisa sha ki seng lehnoh , la bthah ia baroh ba lada don ba tip ia kum kine kiei kiei dei ban ai jingtip sha ki bor jong ka ain, kum ki deputy commissioner ,Superintendent jong ki Police, lane ha ki bor pulit jong ka jylla.
