Shillong, Rymphang 08: Mynta ka sngi la pynlong ia ka jingbishar bniah ha kaba ia dei bad ka jingthep kyrteng ki kyrtong ha baroh 60 tylli ki konstitwensi ha ka jylla ha ki 12 tylli ki District ban ia khun ia kane ka MLA elekshon ka ban long ha ka 27/2/2023 ki don 379 ngut.
Na kitei kiba la thep kyrteng 375 ngut kiba la shem ba ki long kiba biang bad 4 tylli kiba la thep kyrteng kila shah kyntait, kiba la shah kyntait ki long 3 ngut ki shynrang bad 1 dei ka kynthei. Kiba la shah kyntait 3 ngut ki dei na East Jaintia Hills bad 1 na West Jaintia Hills District.
Ka jingkyntait ia kine ki saw ngut kiba la thep kyrteng ki long ba ki dei kiba la shu pynieng kai ia ki, lai ngut ki dei jong ka NPP bad 1 dei jong ka UDP. Na kitei ki 375 ngut, ki shynrang ki long 339 ngut bad 36 ngut ki dei ki kynthei.
Ka sngi ba khatduh ban weng ia lade na ka jingiakhun kan long ha ka 10/2/2023 lada ki kyrtong ki kwah ban weng ia lade. Ia ka jingdon ki kyrtong ban ia khun ia ka MLA katno ki don yn sa ioh ia ka jingkhien ba thikna ha dien ka 10/2/2023.
