Shillong, Iaiong 26: Mynta ka sngi ka tnad ka koit ka khiah kala pyntip ba ha Meghalaya ym shym don bala shah test COVID-19 positive, la ai jingkhein ruh ba ki dang don 3 ngut kiba shitom na kane ka jingpang bad na kine 2 ngut ki don ha Hospital ban shah sumar.
Ka tnad ka koit ka khiah kala ai jingkhein ba mynta ka sngi kiba la ioh ia ka jingkoit na kane ka jingpang ki don 3 ngut, na East Jaintia Hills 1, na Ri Bhoi 2 ngut, kiba la koit baroh na kane ka jingpang haduh mynta ka sngi ha ka jylla Meghalaya ki don 92199 ngut barog.
