Kiba dih Drugs ha Nongstoin mynta kala kot sha ka 700 ngut, pan jaka sumar ka KSU

Shillong, Naitung 16: Ka sor Nongstoin mynta kala shah lynshop ha u Drok ha kaba ki samla kiba don ha pdeng ka rta 17 haduh 25 snem kila nga ngop ha kane ka jingdih ba sniew kila kot tam ne duna ia ka 700 ngut.

Na ka liang jong ki nongialam jong ka KSU kiba la ia kynduh ia u myntri ka koit ka khiah jong ka sorkar jylla mynta ka sngi kila dawa ba ka sorkar ka dei ban buh noh kloi ia ka jaka sumar na ka bynta kine kine kiba la ngop ha kane ka jingdih ba sniew kum ka “Detoxification Centre”.

Kane ka long na ka bynta ban pynkloi ia ka jingai jingiarap ia ki samla kiba la ngop kumno ban sumar ia ki, hynrei kaba don kam eh ka long ka jaka pynkhiah ia ki ia kaba la tip kum ka “Rehabilitation Centre” la ong u samla Rishot Kharbani.

La iathuh ba bun na kine ki samla kiba ngop ha kane ka jingdih dei kito ki samla kiba la pep noh ka jingpule jong ki bad kiba bun ki wan na ki long iing kiba duk, naka liang jong ka seng kala ialeh ban wad ia kadaw bad ka shem ba ki samla ki ngop namar ki don ki nongdie ia kine jingdih ba sniew.

Na ka liang ka seng kala kyntu ruh ia u myntri ban buh noh ia u wei “psychiatric” hynrei na ka liang jong u myntri u la iathuh ba hapoh ka jylla baroh kawei ia mynta ki dang don tang san ngut ha kane ka kyrdan, hynrei u myntri u la ong ba kin pyrshah kumno ban pynbeit bad ki.

 

What Next?

Recent Articles

Leave a Reply

Submit Comment

*