Shillong, Lber 24: U Bah Titosstarwell Chyne Chief Executive member ba thymmai jong ka Khasi Hills Autonomous District Council bala shah jied mynta ka sngi haba kren hapoh ka iing dorbar ha dien ba la pynbna ia ka jingjop ka jong u ia ka ilekshon khl
em da don ba ialeh pyrshah, u la ong ba kiba don ha ka liang synshar kin kham ioh tang yn nym leh shilliang.
Ha ka jingkren u bah Chyne MDC jong ka sorkar u ba la shah jied mynta ka sngi kum u CEM u la ai khublei ia ki para MDC kiba don ha ka liang jong ka UDF ha kaba ki khlem pynieng kyrtong ban ia khun ia kane ka ilkeshon CEM kaba la long mynta ka sngi.
U bah Chyne u khot u were ia ka jingiatreilang jong baroh ki MDC, u la kyntu ruh iaki para MDC ba kin long kiba kloi ban ai jingmut ia kaba bha tam, u la ong ba ym dei shuh ban dang iathew iawoh ia ki jingduna.
La ong ba kala don ka riti synshar bad ka Sixth Schedule ban iada ia ka jaidbynriew, kane ka long ym ban iada ia ki briew ban a bar hynrei ban iada ia ki briew la jong. U don ka jingkyrmen ba ka EC kaba yn sa thaw kan dei ka EC kaba ia ai jingmutlang.
Haba phai sha ka kaiphot jong ka Standing Parliamentary select Committee ba kala dep ban ai ia ka kaiphot sha ka tnad kam poh iing jong ka sorkar pdeng, halor kane yn dang khot ia ka jingialang jong baroh ki MDC ban ia kren ynda ka pyrthei kala jai jai.
Haba ia dei bad ki kam ki jam u ai ka jingkular ba lada don kano kano kin wan sha ophis ban ia kren, u la ong bay n pyrshang ban nym leh shiliang, u la ong ba u sngewthuh haba don ha ka liang synshar hap ban ioh tam, hynrei kaba kongsan ka long ba ki don ha katei ka iing dorbar na ka bynta ki paidbah.
Ki MDC kiba la ia shim bynta ha kane ka jingkren ai khublei ia u CEM ba thymmai ki long u Bah Twinwell Dkhar, Bah Martle Mukhim, Bah Bindo M Lanong, Kong Grace Mary Kharpuri, Bah Lambor Malangniang, Bah Lamphrang Blah bad u Bah Latiplang Kharkongor CEM barim.
Lah ban pynkynmaw ba u bah Latiplang u shah jied kum u CEM jong ka KHADC ha ka 22 Risaw 2019 bad ia ka Administrator Rule la pynjari ha ka 7th Rymphang 2020 bad mynta ka sngi la khot ia ka dorbar ba kyrpang ban pynhap ia ka EC kaba rim ha kaba ka EC kala sham rem ha kaba baroh kila ia don 20 ngut kiba rah kti ban pynhap ia ka EC.
