Shillong, Risaw 30: Ka pyrthei baroh kawei la shai ka sngi kan rakhe ia ka “World White Cane Day” ha kane ka nongbah Shillong ruh ka Amway bad ka Bethany Society kin rakhe ia kane ka sngi da kaba pynlong ia ki jingialehkai ha ki lai tylli ki jaka ha kane ka nongbah Shillong, la ong ba Sarbani Bhattacharjee.
Ha ka jingiakynduh bad ki nognthoh khubor mynta ka sngi ha Shillong Press Club, ka kong Bertha, kala iathuh lem bad kiwei kiwei dei kiba la ia don lang, kila pynsngew ia ka jingsngewdiaw ka jong ki ba ki lynti iaid kjat ha kane ka nongbah Shillong kila dap da ki nongdie madan bad kane ka jingeh kam ktah tang ia ki hynrei wat iaki briew kiba biang na dong sha dong.
Kaba ktah ia ki ka long ba, ha kane ka juk kaba mynta ka jingiarap lem kam don bad haba ki bakla ban iaid ki shah kren bad kane kam dei tang ha lynti iaid kjat hynrei wat ha ki kali JNURM wat la ia ki ar tylli ki jaka shong ba la mang kyrpang ia kiba don jingduna hynrei ia kane ki nongbud kine ki kali kim don jingtip bad ki da ong ruh “Wut Wut” haba ki kiew ha Kali.
Ki ruh ki don ia ka hok ban iohlem ia ki lad ki lynti kiba ka sorkar ka don kumba long lem kiwei, la ka long ha ki jingpule ne kiwei kiwei ki jingioh kiba ka sorkar ka don ban ai na ka bynta ki paidbah. Ha kane ka bynta ka long kaba don kam ban ia treilang da baroh ban ia burom mar kylliang.
Ha kane ka sngi na ka liang jong ka Amway kala sam ruh ia ki “White Cane” bad kane ka long ka dak ba ki briew kiba pyndon kam ia kine ki dieng kyrshan ka kren ba ki don ha ka jingduna ha ki dkhot met kaba ki don kam ia ka jingiarap.
La iathuh ruh kumba 40 ngut na ki mynta kila don ha ki jaka trei bapher bapher sha bar jong ka jylla wat sha duh America bad ki da lehbha shisha ha ka jingtrei kam ka jong ki ha ka liang jong ki kot Komputor.
