Shillong, Kyllalyngkot 08: U Joint Director jong ka tnad ka koit ka khiah ba dei peit ia ka Civil Hospital, Shillong,u la pyntip ba u wei u nongpang ia u ba la tip kyrteng kum u bah Rilang Lamare, 30 snem ba shong bad u Bahdeng Marbaniang u paralok ha Umkdait, Nongmynsong, u ba la leit rah sha Civil Hospital ban phah u snem ha ka 15th Nohprah 2018 u la khlad ha ka 22nd Nohprah 2018.
Na ka liang jong u Joint Dirctor ba dei peit ia ka Civil Hospital Shillong u la pyntip ba lada don kiba ha iing ha sem ki paralok para jor kiba tip ba kin sngewbha ban leit ban kam ia kane ka met jong u Bah Rilang Lamare kaba don ha jaka buhmet iap jong ka Hospital Shillong.
U Joint Director jong ka Civil Hospital Shillong, u la ong ba lada ym don kiba ha iing ha sem kiba wan ban kam ia kane ka met iap na ka liang jong ka hospital kan sa aiti sha ka Shillong Municipal ban pynkhuid ia ka met ba sah katkum ki rule.
