Shillong, Naiwieng 24: Naka liang jong Joint Director jong ka Health Services (SS), Civil Hospital, Shillong la pyntip ba u wei u rangbah briew ba la tip kyrteng kum u Bah Atar Jyrwa Nongsiej, bala 70 snem ka rta la don ba leit rah ia u hapoh Civil Hospital Shillong ban shah sumar.
Na ka liang jong u Joint Director jong ka Shillong Civil Hospital u la batai ba la pynthiah ia u hapoh jong ka Male Medical Ward-I, ka jingthiah No. 82, Civil Hospital, Shillong bad la wanrah ia u sha kane ka jaka ai jingsumar jong ka sorkar ha ka 26-10-2017 ha ka por 12:28 PM bad u la khlad mynta ka sngi ka 24-11-2017 ha ka por 9:40 AM mynstep.
Na ka liang jong ka Hospital ka pyntip ba kiba ha iing ha sem jong u tei u rangbah ba la khlad kin sngewbha ban leit shim noh ia kane ka met na Civil Hospital Shillong na ka jaka buh met iap hapoh lai sngi lada ym don ba wan shim ia ka met jong u hapoh kane ka por ba la buh na ka liang jong ka ophis kan sa pyndep ia kaba don kam.
