Shillong, Niaiwieng 19: Ka tnad ka koit ka khiah kala pyntip ba kiba la dep ban ai Tika ha ka jylla Meghalaya kala kot sha ka 19,04,495 lak ngut haduh mynta ka sngi, kine ki kynthup ia kiba dang ai ia ka tika kaba nyngkong bad kiba la ai ia ka tika kaba arsien.
Katkum ka jingkhien kaba la ai da ka tnad ka koit ka khiah ka long ba kiba la dep ban ai ia ka tika kaba nyngkong naduh kiba 18 snem haduh kiba la palat ia ka 45 snem ki long 11,41,758 lak ngut.
Kiba la dep ban ai ia ka tika kaba arsien kila kiew sha ka 7,62,737 lak ngut, ki jaka ai tika mynta ka sngi ki don baroh 161 jaka bad kiba la ai tika mynta ka sngi ki don 8508 ngut, kane ka long katkum ka jingkhein kaba la ai mynta ka sngi.
