Shillong, Risaw 10: U Director ka tnad ka koit ka khiah u Dr Aman War u la iathuh ba mynta ka sngi kiba la test COVID-19 baroh ki long 156 ngut, East Khasi Hills 83, Ri Bhoi 31, West Jaintia hills 18, South West Khasi Hills 8, South Garo Hills 03, South West Garo Hills 2, North Garo Hills 1, East Garo Hills 1, West Khasi Hills 1 baroh kiba dang shitom ki long 2437 ngut.
Kiba la koit mynta ka sngi ki long 142 ngut, East Khasi Hills 90, West Garo Hills 21, Ri Bhoi 8, East Jaintia Hills 7, East Garo Hills 6, West Jaintia Hills 04, West Khasi Hills 3, South West Haro Hills 3 bad kiba la koit baroh ki long 5045 ngut haduh mynta.
U Director u la iathuh ba mynta ka sngi u ba khlad na ka jingpang COVID-19 la tip kyrteng kum u Pulsan Balu 42 snem ka rta na ka shnong Williamnagar la iathuh ba u dei u pulit AB Constable la leit rah sha Civil Hospital Williamnagar bad u la khlad noh ha ka 9 tarik mynta u bnai.
