Kiba la test COVID-19 positive mynta ka sngi ki long 139, khlad 2 ngut ha EKH District

Shillong, Risaw 16: U Director ka tnad ka koit ka khiah u Dr Aman War mynta ka sngi u la pyntip ba baroh kiba la test COVID-19 positive mynta ka sngi ki long 139 ngut, East Khasi Hills 71, Ri Bhoi 21, West Garo Hills 12, West Khasi Hills 12, East Garo Hills 07, East Jaintia Hills 7, West Jaintia Hills 6, South Garo Hills 2, North Garo Hills 1 baroh kiba dang shitom ki long 2492 ngut.

Kiba la koit mynta ka sngi baroh ki long 90 ngut, East Khasi Hills 37, Ri Bhoi 25, West Garo Hills 16, East Garo Hills 4, South Garo hills 3, South West garo Hills 2, East Jaintia Hills 1, South West Khasi Hills 1, West Jaintia Hills 1 bad kiba la koit baroh ki long 5735 ngut.

U Director ka tnad ka koit ka khiah u la pyntip ba mynta ka sngi la khlad ar ngut ki briew na kane ka jingpang ki long ar ngut,  ka kong Merilyn Pakyntein 72 snem na East Khasi Hills District, ka kong Wailin Syiemlieh na ka shnong Langtor Mairang West Khasi Hills district, kiba khlad haduh mynta kila kot sha ka 75 ngut kiba khlad ha ka jylla.

 

What Next?

Recent Articles

Leave a Reply

Submit Comment

*