Shillong, Nailur 15: Ka tnad ka koit ka khiah mynta ka sngi kala pyntip ba mynta ka sngi kiba la test COVID-19 positive ki don 243 ngut, kiba la test bun eh na East Khasi Hills 109 ngut, na West Khasi Hills 75 ngut, kiba dang shitom haduh mynta ki long 1664 ngut.
Kiba la ioh ia ka jingkoit na kane ka jingpang mynta ka sngi ki long 263 ngut, kiba la koit bun eh dei na East Khasi Hills 118 ngut, na West Khasi Hills 91 ngut, kiba la koit baroh ki long long 75698 ngut haduh mynta ka sngi.
Kiba khlad na kane ka jingpang ki long 6 ngut na kine 5 ngut dei kiba khlem pat ai Tika, kiba khlad ki long na East Khasi Hills 5 ngut, East Jaintia Hills 1, kiba khlad baroh na kane ka jingpang la kiew sha ka 1367 ngut.
Ki don ar tylli ki District kiba lait na ka jingdon kiba test COVID-19 mynta ka sngi, ka East Garo Hills, ka South Garo Hills.
