Shillong, Nailar 10: U Director ka tnad ka koit ka khiah u Dr Aman War u la iathuh ba mynta ka sngi la test COVID-19 positive 53 ngut ki briew ha ka jylla, na kine 12 ngut ki dei ha East Khasi Hills Distict ,2 ngut ha Ri Bhoi District bad 39 ngut ha West Garo Hills District.
Ha ba iakren bad ki ladpathai khubor u la iathuh ba ha East Khasi Hills District ki 12 ngut ki ba la test COVID-19 Positive ki kynthup ia uwei na ka kynhun shipai bad 11 ngut ki riew paidbah, ha Ri Bhoi District uwei na ka kynhun shipai bad kawei dei riew paidbah bad ha West Garo Hills District ki 39 ngut, na kine 29 ngut ki shipai BSF bad 10 ngut ki riew paidbah.
Ha ba pynshai ia ki briew ki ba la test Covid positive mynta ka sngi na East Khasi Hills la iathuh ba uwei u dei u ba ap pang ha Civil Hospital ,uwei u dei ba ap pag ha NEIGRIHMS Hospital uwei u dei u nongniah kali Tourist ,2 ngut ki dei ki nurse jong ka NEIGRIHMS Hospital,2 ngut ki dei ki ia jan jong uwei u ba la test COVID-19 positive,uwei u dei na ki kynhun shipaiu bad 4 ngut ki dei ki ba dang shu wan phai na sha bar ka jylla.
Ha Ri Bhoi District 2 ngut ki ba la test COVID-19 Positive mynta ka sngi uwei u dei na ka kynhun shipai bad kawei ka dei ka long kmie ba armet ka ba leit ban phah sumar ha Civil Hospital Nongpoh.
Ha West Garo Hills District ki 29 ngut ki dei ki shipai BSF,9 ngut ki dei ba wan phai na shabar ka jylla bad uwei u dei u ba ia janjong uwei uba la test Covid positive na North Garo Hills.
Ha ka jylla baroh kawei kiba shitom ki long 611 ha East Khasi Hills District 428, na kine 91 ki shipai BSF ,268 ki riew paidbah bad 69 ngut naki kynhun shipai.
Ha West Khasi Hills District 6,Ri Bhoi District 85, West Jaintia Hills District 15, East Jaintia Hills District 6, West Garo Hills District 65, South West Garo Hills District 2, South Garo Hills District 2 bad ha North Garo Hills District 2 ngut.
Ki ba la koit ha duh mynta ka sngi ki long 498 ngut kynthup ia ki 8 ngut ki ba la koit mynta ka sngi ,ki sample ki ba la dep ban phah ban test ki long 41,734 tylli ki ba long negative ki long 39,785 tylli bad ki result ki ba dang ap ki long 834 tylli .
