Shillong, Nohprah 07: U Director ka tnad ka koit ka khiah u Dr Aman War mynta ka sngi u la pyntip ba baroh la test COVID-19 positive 77 ngut, East Khasi Hills 63, West Jaintia Hills 6, West Garo Hills 4, South West Garo Hills 3, West Khasi Hills 1 baroh kiba dang shitom ki long 621 ngut.
La iathuh ruh ba kiba la koit mynta ki long 120 ngut, East Khasi Hills 91, West Jaintia Hills 9, Ri Bhoi 8, West Garo Hills 8, South West Garo Hills 3, North Garo Hills 1, baroh kiba la koit haduh mynta ki long 11573 ngut.
Ha East Khasi kiba la test COVID-19 baroh 63 ngut ki dei na kane ka nongbah Shillong na ki arphewar tylli ki dong jong ka nongbah Shillong kynthup ia u wei ba niah kali, na kine 14 ngut ki dei na Madanriting.
