Kiba la test COVID-19 positive mynta ka sngi ki long 81, kiba koit 111, khlad wei

Shillong, Risaw 23: U Director ka tnad ka koit ka khiah u Dr Aman War u la pyntip ba kiba la test COVID-19 positive mynta ka sngi ki long 81 ngut, East Khasi Hills 51, West Jaintia Hills 21, East Garo Hills 1, East Jaintia Hills 1, South Garo Hills 1 bad kiba dang shitom baroh ki long 1631.

Kiba la koit mynta ka sngi baroh ki long 111 ngut, East Khasi Hills 74, Ri Bhoi 11, South Garo Hills 7, West Garo Hills 7, East Jaintia Hills 5, South West Khasi Hills 02, West Khasi Hills 02, East Garo Hills 1, South West Garo Hills 1, West Jaintia Hills 1 bad kiba la koit baroh ki long 7091 ngut.

u Director u la iathuh ba mynta ka sngi la don wei ba khlad na kane ka jingpang COVID-19 bad ka kyrteng la tip kum Jiten Sunnar 24 snem na Upper Mawprem Shillong baroh kiba khlad kila kot sha ka 79 ngut ha ka jylla.