Kiba la test COVID-19 Positive mynta ka sngi ki long 89 ngut, khlad ar ngut ki long kmie

Shillong, Nailur 18: U Director ka tnad ka koit ka khiah u Dr Aman War u la iathuh ba mynta ka sngi baroh kiba la test COVID-19 ki long 89 ngut, na kine East Jaintia Hills 14 ngut, East Khasi Hills 70 ngut, Ri Bhoi 1, South West Garo Hills 1, South West Khasi Hills 1 bad West Garo Hills 2 ngut. Kiba shitom baroh ki long 1976 ngut.

Kiba la koit pat mynta ka sngi ki long 95 ngut, na East Khasi Hills 19, North Garo Hills 5, Ri Bhoi 38, West Garo Hills 28, West Jaintia Hills 2, West Khasi Hills 3, bad baroh kiba la koit ki long 2437 ngut.

Kiba khlad mynta ka sngi ki long ar ngut ki long kmie, ka Jamuna Suna 44 snem ka rta kaba sah ha kwater ha Pinwood bad kawei ka dei ka Anjalee Boruah 60 snem ka rta ka sah ha Laitumkhrah.

La iathuh ba ia ka Jamuna Suna la leit rah sha Nazareth Hospital ha ka 15 tarik mynta u bnai na ka daw jong ka jingshitom jong ka bad ha ka juh ka sngi haba la test la shem ba ka long COVID-19   positive.

Katba ka Anjalee Boruah la ong ba kala kyllon ha iing bad la leit rah sha Nazareth Hospital bad haba la poi sha Hospital la shem ba kala dep khlad bad haba la test la shem ba ka long COVID-19 positive. Ka jingkhlad jong ki briew kiba don ia ka COVID-19 positive kala kiew sha ka 34 ngut.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet