Shillong, K.Lyngkot 28: U Director ka tnad ka koit ka khiah u Dr Aman War mynta ka sngi u la pyntip ba kiba la test COVID-19 positive phra ngut mynta ka sngi ki dei na East Khasi Hills District, baroh kiba shitom ha ka jylla ki don 90 ngut.
Kine ki phra ngut kiba la test COVID-19 positive mynta ka sngi ki long, thain Mawprem 2, kiba wan phai na sha bar 2, na Thembasuk 1,Police Bazar 1, Qualapatty 1 bad wei dei ba don ka jingiajan bad kiba la shitom lpa.
La pyntip ruh ba kiba la koit na kane ka jingpang mynta ka sngi ki long 7 ngut, na kine East Khasi Hills 6 ngut, West Khasi Hills 1 bad kiba la koit baroh na kane ka jingpang ha ka jylla haduh mynta ki long 13513 ngut.
