Shillong, Nailur 26: U Myntri Rangbah ka jylla u Cornad K Sangma ha ka jingkylli sdang kaba 185 bala buh da u bah Himalaya M Shangpliang la ong ba mynta u snem 2021 ki briew kiba la leit kai sha Krem Puri kaba don ha Mawsynram ki long 300 ngut.
U Myntri Rangbah la iathuh ba ha u snem 2020, ki long leit kai ha katei ka krem ki don 500 ngut, u myntri rangbah u la ong ba ka jingtrei ha Phlangmawsyrpat la lah ban pyndep, ka jingshna ia ki jingker ha Umkhakoi ha Mawlyngbna la lah ban pyndep.
Ka jingshna ia ka jaka ieng kali ha ban leit sha Krem Mawjymbuin bad ka khyrdop ban rung sha krem Mawjymbuin ia ki jingtrei ym sa sdang noh kloi. U myntri rangbah u la ontg ba ka sorkar kala shna shibun ki jaka jngohkai pyrthei kyntup ruh ia ka Mawsynram ruhkum juh.
U Myntri rangbah la ong ba ia ki kam pynroi ha ki jaka jngohkai pyrthei, la leh katkum ki kyndon kiba la buh, ka sorkar kan dang pynbha shuh shuh ia ki jaka jngohkai pyrthei ha ki jaka kiba la don lypa bad ka sorkar kan sa skhim khia ruh ia ki jaka jngohkai ba don ha Mawsynram.
