Kiba leit sha Rangthong PHC ha ka saw bad san tarik kin hap ban leh ia ka “Home Quarantine”

Shillong, Nailar 06: ka Deputy Commissioner jong ka South West Khasi Hills District kala bthah ba baroh ki nongtrei jong ka Rangthong PHC kiba don ha ka saw tarik kin hap ban leh ia ka home quarantine bad ki paidbah kiba la leit sha kane ka jaka sumar ha ka saw bad san tarik kin hap ban shong ha iing khnang ba ki briew ban wan leh ia ka test kin poi ha ki iing jong ki.

Na liang jong ka Deputy Commissioner kala pyntip ba kino kino kiba don ka jingsngewpher ha ka met jong ki kum ka jyrhoh, shitmet, shitom ban ring mynsiem, kin sngewbha ban pyntip mardor sha kine ki phone number 6909904336 bad 9485153533.

Na ka liang jong ka DC kala pyntip ba yn khang ia ka Rangthong PHC na ka bynta ar sngi ban pynkhuid ia ka bad ban wat ia ki briew kiba don jingiadei ha kane ka jaka. Kiba don kam ia ka jingsumar kin hap ban leit sha Mawkyrwat CHC na ka bynta ka jingdon kam ka koit ka khiah.

Ka DC kala ong ba la leh ia kane namar la don u wei u briew na East Khasi Hills District u ba la test COVID-19 positive u la poi sha Rangthong PHC ha ka saw tarik ban wan buh ia kiba ha iing ha sem jong u dei halor kane ka bynta ba la bthah ia baroh ki nongtrei ba kin shong ha iing bad ha ka juh ka por baroh kito kiba la leit sha kane ka jaka sumar ha ka saw bad san tarik kin shong ha iing.

 

 

What Next?

Recent Articles

Leave a Reply

Submit Comment

*