Shillong, Iaiong 22: U Myntri Rangbah ka jylla u Cornad K Sangma mynta ka sngi u la iathuh ba kiba pang COVID-19 ki don lai ngut hapoh Civil Hospital Shillong, ar ngut la buh lang ha kawei ka karma bad iwei ha kawei ka karma.
U myntri rangbah u la pynshai shuh shuh ba katkum ki kyndon la shah ban don ar ngut kiba shitom ha ka juh ka kamara tangba ki kamra ki dei ba long kiba heh. Kine kiba don hapoh Civil hospital ki la kham khlain.
Haba ia dei bad ki “Rapid Test Kits” ka sorkar jylla mynta ka sngi kala pynsangeh ia ka jingpyndon kam ia ki bad kin ap haduh ban don ioh jingbthah biang ia ka ICMR, u myntri rangbah u la ong ba naduh ba sdang ka don ka jingartaien ia kine ki Rapid Test Kits.
Kaba kham biang eh ban ioh ia ka jingshai kaba thikna dei tang ka PCR Test la ong u myntri rangbah, ia kito kiba la pyndon kam ban test da ka Rapid Test Kits la leh mynta ka sngi ban test da ka PCR test ha kaba ki long Negative.
U myntri Rangbah u la iathuh ba haduh mynta ka sngi la shim sample haduh 1046 ngut, kiba long positive ki dang neh ki juh 11 ngut bad ki 904 ki long Negetive bad dang ap mynta ia ka reslot jong ki 130 tylli ki test.
La iathuh ba haduh mynta ka jylla kala ioh 64458 tylli ki PPEs, ki 3-ply mask 5,10,000 tylli ki N95 mask ki long 65190 tylli baroh kiba ka jylla kala ioh haduh mynta.
Haba ia dei bad ki briew jong ka jylla kiba dang sah kut sha bar jong ka jylla haduh mynta kiba la register kila poi sha ka 10287 ngut, na kine ka sorkar kala dei ban ai ka jingiarap 5392 ngut.
