Kiba poi trei 60% sha ki ophis ha kane ka sngi khot “Ban nym iatreilang” ki san seng

Shillong, Naiwieng 25:  Ka jingkhot ki san seng “ban nym iatreilang” mynta ka sngi kala ktah ia ki jngtrei kam jong ki ophis ka sorkar ha ka jylla baroh kawei bad katkum ka jingkhien kiba la ioh na secretariat la ong ba kiba poi tei ki long 60% mynta ka sngi.

Ha kane ka nongbah Shillong,baroh ki bank kila khang, kiba bun ki ophis kiba kham sha kyndong kila khang bad ka jingtreikam ka sorkar ka la ktah namar bun ki briew kila pep trei ha kane ka sngi.

Haba phai sha ki lynti syngkieng ki iew ki hat ha kane ka nongbah Shillong mynta ka sngi kila kynjah namar bun na ki dukan khamtam ha thain Police Bazar kila khang bad kum juh ha Iewduh bad ki iew shnong ha ki dong jong sor Shillong.

Ha kane ka jingkhot ki san seng, ka KSU, FKJGP, RBYF, HNYF bad ka JSU ia kane ka jingbym ia treilang kala iaid beit khlrem da don kano kano ka jingjia kaba sngewsih.Ha kane ka sngi kala don ka jingkynnoh ba kila don ki kynhun kiba leit ban phah khang ia ki dukan bad kum juh sha ki ophis.

Kane ka jingbym ia treilang bad ka sorkar ka long ruh sha ki lum Garo ia kaba la ialam da ka GSU, ADE bad kiwei kiwei ki kynhun seng bhalang bad kane ka jingbym I a treilang kala trei kam hapoh ka sor Tura bad ia ki dukan ruh la khang naduh ka por lai baje noh phia sngi.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet