kiba pyrshah ia ka ain khang shnong khakhleh ki dei ki nongdie ia ka jaidbynriew: HS Shylla

Smit, Nohprah 12: U Bah HS Shylla CEM jong ka KHADC haba kren ha ka jingialang pynkup burom ia ki 29 ngut ki MDC ka iing dorbar mynta ka sngi ha Smit da ka Nongkrem Constituency’s people Forum u la kren shai ba kito kiba pyrshah ia ka ain ban khang ia ka shong khakhleh ki dei ki nongdie ia ka jaidbynriew.

Kane ka Khasi Linage Act ka dei kaba la don lypa bad ki buh rytih ia ka jingthoh, ha kane ka jingialang paidbah u CEM u la ong ba na ka liang jong u Lat ka jylla u la kwah ban ai noh ia ka jingmynjur bad mynta u la pan ia ka jingpynsngew na ka sorkar ba un ioh ai noh ia ka jingmynjur. Kaba sah mynta ka long ba ka sorkar ka dei ban ai noh ia ka jingmynjur.

Ha kane ka jingialang paidbah u Bah Shylla u la phla paidbah ba ha kine ki sngi u la ong ba u  la dei ban shah pynhap na ka shuki namar ba u la kren ia kane, la ong ba um salai la dei ban hap haba la dep ban thaw ia kine ki ain, hynrei dang dong u wei u ba la ai ka jingkyrshan bad mynta dang neh ha kane ka shuki. U CEM u la ong ba kam dei kaba suk ban shna ain.

Kine ki MDC 29 ngut ki iaid sha khmat kim tieng iala ka jong ka party ruh, kaba don kam mynta ka long ia ka jingshlur jong ki MLA bad ki myntri sorkar ba kin nym pynslem shuh hynrei ka jaidbynriew kala shah iuh, ka sorkar kam dei shuh ban dang pynslem katba dsng pynslem kata dang shah iuhroit ka jaidbynriew.

Kane ka Linage Act kaba ka KHADC ka thaw kam dei kaba thaw, hynrei ka dei kaba buh ryntih ia ka jingthoh kaba u paidbah ki pyntrei kam ha ki nongkyndong kim juh shah ban shong kha khleh, bad ia kane la  pynshong nongrim ha ka tip kur tip kha, kaba mut u khasi u tip ba u kha ia ki khun dei u kpa, ka kmie ka shu pun bad da dapkhyndai bnai u khun u mih.

U Bah Shylla u la ong ba lada u kpa u dei u Khasi u khun dei ban long u khasi, lada u kpa dei u bym dei khasi u khun ruh um dei u khasi, ia ki shynrang la shah ban shongkha bad  u tang jiad ia ki khun. Ka KHADC kam shym la thaw ain hynrei ka pyntrei kam ia kaba la don lpa.

Ka sorkar hangne kam lah ban kdew kti ei ei hangne un nym don mano mano ba lah ban kdew kti namar ka riti synshar jong ka Ri India artikle 29 ka paragraph  kaba nungkong  ka kren shai kino kino ki briew kiba shong ha ka Ri India kiba don la ka jong ka ktien thoh ki riti dustur ki don ia ka hok ban  pynneh ia la ka jong ka kolshor.

Dei namar kata ka daw halor kane ka riti synshar, ha kane ka sngi u CEM jong ka KHADC u la kyntu ia ki kynthei khasi ba kin peit ia la ki jong ki para jaidbynriew. Ka parthei baroh kawei ka don ka jingma bad ka Ri Europe kala shah ktah mynta.

U Khasi u la ong ba stad ban ai jaid sha ka kmie, dei na kane ka daw ka kur ban shim na ka kti. U la ong ba ka SRT kala sdang ban shim jiad na u kpa kane ka long kaba sniew tam namar da kaba leh kumta dei ka jinglehbein ia la ka jong ka kmie kumta la don kam ban pynskhem da ka ain namar ka kur ka jaid dei na ka kmie.

Ha kane ka sngi u Bah Shylla u la pynshai paidbah ruh halor kiweiki ain kiba la pdiang da ka iing dorbar thawain jong ka KHADC kum ka Inner Line Permit, ka Clan Bill bad ka sorkar jylla kam dei shuh ban dang pynslem ka dei noh ban pyntrei kam noh ia ki ain kiba lah ban pyntrei kam noh.

Ha kane ka sngi u Bah Shylla u ai ka jingiaroh ia ki ophisar jong ka KHADC kiba la trei shitom ban pynlong ia kine ki ain ba lah ban pdiang da ka iing dorbar ia baroh ki ain bad u la ai ka jingkular ban nym kren pyrshah ia baroh ki 29 ngut ki MDC ha ka ilekshon MDC. Ia ka jingialang la pyniaid da u bah Esmon bala pyniad ia ka jingialang bad baroh ki nongkit kam. Ha kane ka sngi da ki hajar ki paidbah kila iapoi sha kane ka jingpynkup burom ia ki MDC.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet