Shillong, Nohprah 09: Ka Commissioner bad Secretary ka sorkar Meghalaya ba dei peit ia ka tnad Personal bad Administrative Reform (B) Department ka long R. Lyngdoh ha ka 21/11/2022 kala pynmih ia ka hukum katkum ka jingpynbna No. PER(AR).153/93/Pt/.11/149.
Katkum ki kyndon kiba la buh da katei ka tand sorkar, ka shithi NO. PER(AR).152/76/66. Dated 30/01/1978 , NO PER(AR).105/81/4. Dated 26/06/1981: NO.PER(AR).239/80/49. Dated 21.01.1983. NO.PER(AR). 238/87/21. Dated 22/02/1989; NO.CS/MISC/202, dated 30/04/2002; NO. PER(AR).153/93/Pt.1/121. Dated 23/05/2013 bad NO.PER(AR). 153/93/Pt.1/171. Dated 24/09/2015 ha kaba la khang ban thungkam Adhoc.
Kumta, ka sorkar kan shim ia kine ki lat ki lynti lada ki dang don ba kita ki bor ban thung ki dang thung kam shipor lane Adhoc khlem da bud ia ki kyndon, kumta ka jingsiew ia ka tulop jong kum kita ki nongtrei kan nym mih ka kyrteng jong ki lyngba ka Data Base bad ki Treasury Ophiar ki hap ban da husiar bha ban kin nym pdiang lada don kum kita.
Kino kino ki bor bal ah ban thungkam kiba ai ia kum kita ka jingthung kam, kim hap ban shim ia ka jingkit khlieh haba ki thung kam da kaba pynkhien ia ki kyndon, ka sorkar ka don ia ka lynti ban shim kano kano ka jingpynshitom ia kum kita ki ophisar, kata ka long ban ot ia ka jingduh na ka tukop ka jong ki bad lada dei ki ophisar kiba la shong thiat yn khate na ki ruh.
Kumta la bthah ia baroh ki bor ba don ia ka bor ban thungkam ba kin shim ia ka jingkhein kaba bniah bha ia ki kam kiba lait hapoh kita ki tnad sorkar bad ki hap ban bud bha ia ki jingbthah katum ka jingbuh ryntih ia ka thung kam katkum ka jingbthah na ka tnad sorkar NO: PER(AR).25/2022/Pt. III, dated 10/05/2022, ia kine ki kam ba lait dei ban pyntip sha ka MPSC/DSC/ Department Selection Committee ban thung kam ha ki jaka ba lait katkum ka lynti.
Ia kane jingpynbna sorkar dei ban pyntip sha baroh ki ophisar kiba kham shapoh ruh kum juh kiba hap ahpoh jong kata ka tnad sorkar bad kin but ryntih ia kane ka jingbthah, ia kane ka jingpynbna sorkar la soi da ka kong R. Lyngdoh IAS Commissioner bad Secretary ka sorkar Meghalaya ba dei jong ka tnad Personal bad Administrative Reform (B) Department.
