Shillong, Nailar 11: Ka President jong ka “All Meghalya Meatday Meal Workers Union” ka kong Bilin Kurbah kala ong ba lada ka sorkar kam shim rai ban pynkiew ia ka bai bylla kaba ki ioh mynta T.1000/- tyngka shibnai ban shet jaka sngi ha ki skul SSA, kim ban se ban ia mih surok ban ia khih paidbah.
Haba kren ha ki lat pathai mynta ka sngi ha Shillong Press Club, la ong ba kila thoh sha ka sorkar na ka por sha ka por ban kyrpad ia ka sorkar ba kan pynkiew noh ia ka bai bylla shet ja sngi na ka T.1000/- tyngka ba ki ioh mynta, na ka liang jogn ka seng ka khlem dawa katno ka sorkar kan pynkiew, hynrei kila dawa ba ka sorkar ka dei ban pynkiew noh.
La iathuh ba na ka liang jong ki ophisar ba dei peit ia kane ka kamshet jngai sngi khlem da kdew kyrteng kila dep ban phah ia ka jingai jingmut sha ka sorkar ba kan pynkiew noh na ka T.1000/- tyngka sha ka T.3000/- tyngka, hynrei halor kane ka sorkar kala pynphai noh da kaba ai daw ba kala heh palat.
Kum ka seng kam don lat shuh da kumwei pat hynrei kila hap ban ia mih paidbah lada ka sorkar kam shim rai ei ei hapoh mynta u bnai, lada ka sorkar kam shim rai kin ia mih paidbah sha surok ban ia shong ne thiah ha surok ban pynbor ia ka sorkar ba ka dei ban leh ei ei na ka bynta jong ki nongshet ja sngi ha ki skul sorkar.
Ki nongshet ja ha ki skul sorkar baroh ki don 18500 ngut ei ei bad kine ki don ha baroh kawei ka jylla , la kynnoh ba kane ka jingniew bein ka sorkar ka dei namar ba ki long kiba duna ha ki liang jong tip kim don bor ban ialeh ban dawa ia ka hok jong ki leh dei na kane ka daw ka sorkar ka sa sngap jar.
La ong ba kane ka jingsiew T.1000/- tyngka ia ki nongshet ja ha ki skul sorkar ka dei naduh ba sdang kane ka skhim Meatday Meal ha kane ka jylla ha u snem 2009 bad ka iai bteng kane ka juh ka dor haduh mytna ia kaba kila kyrpad na ka sorkar ban pynkiew ia ka tulop jong ki, la ong sa ka kong Peaceful Marwei na kawei na ki nongkit kam.
