Shillong, Risaw 01: Ka tnad ka koit ka khiah mynta ka sngi kala pyntip ba kiba la test COVID-19 positive mynta ka sngi ki don 155 ngut, kiba la test bun eh dei na East Khasi Hills 90, West Jaintia Hills 27, West Khasi Hills 26 ngut, kiba dang shitom haduh mynta ki don 1666 ngut.
Kiba la ioh ia ka jingkoit na kane ka jingpang mynta ka sngi ki don 108 ngut, kiba la koit bun eh dei na East Khasi Hills 68 ngut, na West Khasi Hills 20 ngut, kiba la koit baroh na kane ka jingpang kidon 78375 ngut.
Ka tnad ka koit ka khiah kala pyntip ba mynta ka sngi ym shym don ba khlad na kane ka jingpang, kiba khlad baroh ha ka jylla ki long 1404 ngut, ha ba shim na ki District kiba bun eh kiba khlad na kane ka jingpang ki long na East Khasi Hills 966 ngut.
