Shillong, Nogprah 18: U Director ka tnad ka koit ka khiah u Dr Aman War mynta ka sngi u la pyntip ba kiba la test COVID-19 positive mynta ka sngi ki long 48 ngut, East Khasi Hills 47 ngut bad Ri Bhoi 1, kiba dang shitom haduh mynta baroh ha ka jylla ki long 586 ngut.
La pyntip ruh kiba la ioh ia ka jingkoit mynta ka sngi ki long 148 ngut, East Khasi Hills 127, Ri Bhoi 7, West Garo Hills 6, South West Garo Hills 4, West Jaintia Hills 4, kiba la koit baroh ha ka jylla ki long haduh 12470 ngut haduh mynta.
U Director la pyntip ba kine kiba ioh ia kane ka jingpang COVID-19 ha kane ka nongbah Shillong ka long na kylleng ki dong jong ka sor Shillong bad mynta ka sngi baroh 47 ngut kiba dei na East Khasi Hills ki dei na ki bynta bapher bapher jong kane ka nongbah Shillong.
