Shillong, Naitung 29: Kiba test COVID-19 positive thymmai mynta ka sngi haduh ka por 10 baje mynstep kala hiar bad kiba la test ki long 3 ngut, bad kiba la koit kala dang kiew sha ka 196 ngut ha ka jylla baroh kawei.
Kiba la test COVID-19 positive haduh ka por 10 baj mynstep ki 3 ngut ki long 2 ngut ha East Khasi Hills bad ki dei na ki wei ki kynhun shipai bad u wei na Ri Bhoi District bad une bala test positive dei ba wan phai.
Baroh kiba shitom ha ka jylla ki long 581 ngut, ka jingdon kiba shitom katkum ki District ka long ba ka East Khasi Hills District ka don 479, na kine ki BSF ki long 243, ki riew paidbah ki long 202 bad kiwei ki kynhun shipai ki long 34 ngut.
Ka west Khasi Hills ka don 4 ngut, Ri Bhoi 53, East Jaintia Hills 15, West Jaintia Hills 13, West Garo Hills 11, South West Garo Hills 4, East Garo Hills 1 bad ka North Garo Hills 1. Kiba la koit thymmai mynta ka sngi ki long 2 ngut na East Khasi Hills, Kiba khlad haduh mynta ki long 5 ngut.
