Kiba thep kyrteng ban ia khun ia ka ilekshon MLA shiteng samoi ki don 13 ngut ha ki lai tylli ki AC

Shillong, Risaw 8: Ka jingthep kyrteng ban ia khun ia ka ilekshon MLA shiteng samoi sha ki lai tylli ki Assembly Konstitwensi ha kane ka jylla Meghalaya, ha 13-Mawryngkeng, 24-Mawphlang bad ka 47-Rajabala. Kiba thep kyrteng baroh ki long 13 ngut baroh.

Kiba la thep kyrteng ban ia khun na ka 13-Mawrungkeng (ST) Assembly konstitwensi ki don san ngut, u bah Highlander Kharmalki na ka INC, bah Pyniaid Sing Syiem NPP, bah Erson Marwein KHNAM, bah Arbiangkam Kharsohmat bad u bah Norbert Marboh kum ki kyrtong shimet.

Kiba la thep kyrteng na ka 24-Mawphlang (ST) Assembly Konstitwensi ki don lain gut, bah Eugeneson Lyngdoh UDP, bah Kenedy Cornelius Khyriem INC bad u bah Lamphrang Blah NPP.

Katba hapoh 47-Rajabala kiba la thep kyrteng ki don san ngut, u  MD. Abdus Saleh NPP, ka Hashina Yasmin Mondal, u Ashahel D Shira UDP, u Kingston B Marak BJP, u Carla R Sangma kum u kyrtong shimet.

Ka jingbishar bniah ia ki kot ki sla jong ki kyrtong kan long ha ka 11^th Risaw 2021, bad ka tarik ba khatduh ban weng na ka jingiakhun ia ka ilekshon MLA shiteng samoi kan long ha ka 13^th Risaw 2021 bad ka jingthep vote kan long ha ka 30^th Risaw 2021.