Kiban apply hikai college dei tang kiba lah ban sah slem ha kawei ka jaka hikai:Dr Mukul

CM Dr Mukul Sangma inaugurates the new assam type building & opening of science stream at Williamnagar Government College.Williamnagar, Naitung 01:U myntri rangbah ka jylla u Dr Mukul Sangma u la ong ba kan nym don lynti ban ia lehkai bad ka lawei ki khun ki kti, kala don kam mynta ban wengnoh na ka rukom ba juh pyniaid ia ki college kiba dei jong ka sorkar bad ka sorkar mynta kan sa wanrah ia ka policy ba kan nym don shuh kata ka jingpynkynriah kam ia ki nonghikai na kawei ka college sha kawei pat.

Ia kaneu myntri rangbah u la kren ha ka jingialang ha kaba u la plie ia ka science stream hapoh ka Williamnagar College bad ha ka juh ka por ruh u la plie ia ka iing kaba thymmai nalor kane la shna ruh ia ki iing Assam Type ban du lah ban pynrung kham bun ki samla pule. Ki samla pule kiba la shim admission ki don 31 ngut ha kane ka kynhun kaba nyngkong ha ka Science.

U myntri rangbah u la ong ba katkum ka rukom kaba thymmai ka jingthung jong ka sorkar ia ki nonghikai nangne sha khmat kan long beit tang ia kito kiba long kiba la kloi ban shong slem slem ha kawei ka jaka bad tang ki lah ban leh ia kata ki lah ban apply. La ong ba ka jingpynkynriah ia ki nonghikai na kawei ka College sha kawei pat ka pynduh ia ka bhah jong ki khynnah ban ioh jinghikai. Lada kwah ba ki pateng ban wan kin long kiba lah ban kyntiew ha ka imlang sah lang hap ban peit ia ka jingdon jong ki samla ia ka sap ka phong kaba ki don ban rah ia ki sha jrong.

Ha ka juh ka por na ka liang jong ka sorkar kala pyrshang ban pynioh pisa haduh 125 million dollar na ka bynta ban kyntiew ia ka pule puthi bad kane ka long na ka bynta ban tei ia ki ing skul kynthup ia ka rukom hikai kaba katkum kane ka juk kaba mynta ia kaba la tip kum ka “Digital Learning”. Kane ka pisa kaba ka sorkar ka dang ia ksaid mynta ban pynioh kalong ban ban shna ia ki iing skul sha ki nongkyndong khnang ba ki samla pule na ki nongkyndong ruh ki lah ban ia kop bad ki samla pule ha ki jaka sor.

Haba phai sha ki samla pule u myntri rangbah u la ong ba ki khynnah ha ka Class XI bad Class XII ki dang rit bad ka sorkar kan sa pyniakhlad ia ki na ki college. Haba ia dei bad ka dorkhas kaba la ai da ka WGCSU na ka liang jong u myntri rangbah u la ong ba ka sorkar kan sa leh ia kaba don kam, u la kyntu ia ki bor ba dei peit ia ka college ba kin pynkhreh ia ka plan katkum ka jingdon jong ka jaka.

Kiba la ia don lang ha kane ka sngi ki long ka MLA jong kane ka jaka ka Debora C Marak myntri ba dei peit ia ka pule puthi, Parliamentary Secretaries Cherak W. Momin, Brigady Marak, Sengnam Marak bad u  Marthone J. Sangma, Principal Secretary, Education, u Bah D.P.Wahlang, Director, Higher bad Technical Education, Ram Singh, Director, School Education bad Literacy, Ambrose Marak, East Garo Hills Deputy Commissioner, H.B. Marak, bad kiwei kiwei ki heh sorkar na ka District. Ia kane ka college la seng ha u snem 2000 bad la shimti da ka sorkar ha u snem 2011.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet