Kiew ka jingiap na ka jingpang khlam COVID-19 positive sha ka 146 ngut ha Meghalaya

Shillong, K. Lyngkot 21: u Director ka tnad ka koit ka khiah u Dr Aman War u la pyntip ba mynta ka sngi kila don ar ngut kiba la khlad na ka jingpang khlam COVID-19 bad da ka jingkhlad jong kine ka jingiap na ka khlam COVID-19 kala kiew sha ka 146 ngut ha Meghalaya.

Ka kyrteng jong ki ar ngut kiba ba khlad ki long ka Tanu Das 61 snem na Assam bala wan rah sha NEIGHRIHMS, kawei pat la tip kyrteng kum ka Chaya Paul 73 snem na Upper Mawprem Kane ruh la khlad ha NEIGHRIHMS.

La iathuh ruh ba kiba la test COVID-19 positive mynta ka sngi ki long 4 ngut, ha East Khasi Hills 2, East Jaintia Hills 2, kiba dang shitom ha ka Jylla ki long 129 ngut.

Kiba la koit na Kane ka jingpang mynta ka sngi ki long 6 ngut, East Khasi Hills 3, West Jaintia Hills 3, kina la koit na Kane ka jingpang baroh ki long 13446 ngut.

What Next?

Recent Articles

Leave a Reply

Submit Comment

*