Kiew sted  ki nongdih drugs ha Shillong bad Guwahati plie jaka sumar ka CSAPC

Shillong, Naiwieng 29: Ka jingkiew sted ka jingdon ki nongdih drugs ha kane ka nongbah Shillong bad ka sor Bah Guwahati kala jubor bha ha kine ki khyndait snem mynta, ban sumar ia kine kiba la ngat ha ki jingdih kyrni ha kane ka jingdih kaba sniew la plie ia ka jaka sumar ha Guwahati.

Haba kren ha ki nongthoh khubor mynta ka sngi u Rabiul Islam Managing Trustee jong ka jaka sumar ia kaba la tip kum ka “Centre for Substance Abuse Prevention and Care(CSAPC) Guwahahti u la ong ba ka jingjyllei ki briew kiba la ngop ha kine ki jingdih ba siew ha kine ki ar tylli ki nongbah kala jubor.

Da ka jingthmu ban sumar ia kine kiba la ngap ha kine ki jingdih ba sniew na ka liang jong ka CSAPC kala plie ia kane ka jaka ai jingsumar ha Guwahati bad kane ka jaka kan piet ia ka Sor Shillong ruh kum juh da ka jingiatreilang bad ka Manbha Foundation na kane ka nongbah Shillong.

Kane ka CSAPC, ym tang ba kan buh ia kane ka jaka sumar hynrei kan jurip ruh ia kid aw ba balei ki briew ki ngop ha kine ki jingdih ba sniew, la ong ka dei ban don ka daw, la ka dei na ka daw iing ne ka imlang sahlang. Ha ka jingshen ka long ba bun ki briew kin kwah ban iathuh ba kane ka jia ha ki iing ki snem jong ki, hynrei kane ka jingleh kala ktah ia bun ki long iing long sem.

U Bah Neil Jaitly Khongwir, ha ka jingkren ka jong u la ong ba ha kane ka nongbah Shillong kila lap ba wat ki khynnah kiba dang rit ka rta ruh kila ngop ha kine ki jingdih ba sniew, ha ka juh ka por u la buh ka jingkylli hato ki kmie ki kpa kila ia beh kam sha ba palat bad kila pynkmen ia la ki khun da kaba shu ai pisa?.

U bah Khongwir u la dei peit ia ka Manbha Foundation u la kyntu ia ka sorkar haba ka kem ia ki nongdih drugs kam dei ban set lang ia ki bad riew sniew hapoh phatok hynrei ka dei ban phah ia ki ha ki jaka sumar namar kine ki nongdih drugs ynda kila mih na phatok ha ka jaka ba kin bha kila kylla pynbna kiba kham sniew shuh shuh.

La ong ba ka CSAPC bad ka Manbha Foundation kin ia treilang na ka bynta ban iarap ia ki samla kiba la ngop ha kane ka jingdih kaba sniew. La ong ba la don kam shibun ia kine ki jaka sumar namar kane ka jingkyrni ha kane ka jingdih ba sniew ka pyntroin ia ka lawei jong ka jaidbynriew.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet