Shillong, Risaw 24: Mynta ka sngi ki seng bhalang na ki kynhun bapher bapher kiba kynthp na Khasi bad na Jaintia Hills kiba kyntup ia ka HYC, HANM, RBYF, EJNC bad ka GSM bad kum ki nongialam kila ia kynduh ban iathir ban ia tai halor ki mat kiba ktah ia ka jaidbynriew hynniewtrep baroh kawei.
U General Secretary ka seng HYC u bah Roy Kupar Synrem haba kren ha ki lat pathai khubor ha dien ka jingialang kaba ki la pynlong ha Majestic Hotel ha Polo, la ong ha ki snem kiba la dep kila ia kren na ka por sha ka por ia ki mat kiba ktah ia ka jaidbynriew baroh kawei.
La ong ba la iohi ba kane ka sorkar kaba mynta la iohi ba naduh u snem 2019 kala shim ia ka rai hapoh ka iing dorbar ha kaba ia dei bad ka jingdawa ban pyntrei kam ia ka Inner Line Permit , kala shim ia ka rai ban pynrung ia ka ktien khasi ha ka khyrngit kaba phra ha kaba kila phah sha ka sorkar pdeng ban pyntrei kam.
Kane ka sorkar kala thung ia ki commissioner bapher bapher bad kala wan rah ia ka jingpynkylla ha ka bhah thungkam thungjam hynrei kine kiei kiei ki dei tang ki jingpynthme bad kila shu long kam kai ha khmat ki paidbah, kane ka sorkar ka kren khia bha ban pyntrei kam ia ka ILP hynrei la ioh ba ka long tang ki kam kai.
Halor kine ki nongrim kila shim ia kawei ka rai ba kin sdang ban buh sha khmat ia ki khyndai tylli ki jngdawa kiba ktah ia ka jaidbynriew bad kila khot ia kata ka thung ‘Iada ia ka Ri Hynniewtrep’ bad hakata ka thup ka mat kaba nyngkong eh ka long ba ka sorkar ka dei ban wanrah noh ia ka ILP ha ka jylla.
Kawei pat ka long ba ka sorkar ka dei ban leh ei ei noh halor ka themetor hynrei mynta la iohi ban bun ki snem kila iaid bad ka HPC kaba la ai por tang 6 bnai ban wnrah ia ka kaiphot hynrei mynta la da ki snem kam pat lah ban leh ia kata bad ki dawa ba ka sorkar kan pyndep ia kane ka kam shuwa ka elekshon MLA 2023.
Ha kaba ia dei ba du pud u sam la ia kren ba kane ka jingiapynbeit ka long kaba bakla haduh katta bad kidawa na ka sorkar ba ka dei ban khmihb iang ia ka MoU ba kila ia sain, ka jingshah pyniap jong u bah Cheristerfiled Thangkhiew, ka sorkar kam shym leh ei ei.
Ka bamsap bampong, kum ka Smartmeter, Khaw, ka jingkhyllem ka Dome jong a iing dorbar thawain ka jylla na ka liang jong ka seng kila dawa na ka sorkar ban phah tohkit ia ka CBI, hynrei katba kut ka sorkar ka shuthung ia ki kynhun tohkti bad kiwei ki kynhun bad kita ki kynhun tohkit kin jah klep.
Ka jingbym ioh kam ioh jam ki samla ka long ba ki kam kiba lait ki don haduh 8000 tam kane ka sorkar ka leh aiu bad kum ki kynhun ki kwah ban kylli ki leh aiu kum ka jingpynbna ha kaba ia dei bad ka kam ka jam kaba kim sngew iahap, kila thoh sha ka sorkar hynrei kim shym la jubab.
Kaba khatduh ka long ba baroh ki seng ki pyrshah ia ki kam khlaia bad kin mym pdiang ia ka jingkren tang ka ktien lada ka sorkar kam wanrah ia ka ai ban weng ia kane ka ain khallai da ka long ha kano kano ka dur ruh kam pher kane ka dei kaba kila dawa na ka sorkar.
