Kin don 300 ngut ki nongrep ban ia shim bynta ha ka 1st Meghalaya Farmers Parliament 

Shillong, Nohprah 02: U Bah Commander Shangpliang President jong ka Hill Farmers Union (HFU), u la pynbam smai ia ki dkhot jong ka seng kiba la shah jied kum ki dkhot jong ka 1st Meghalaya Famers Parliament.

Kine ki dkhot kiba la shah jied ki la mihkhmat na ki 26 tylli ki Block kiba don ha Ri Khasi Jaintia. Kine ki dkhot ki la bam smai ba kum ki dkhot ba pura jong ka Hill Farmers Union kiba la shah jied ban long kum ki dkhot sha ka 1st Meghalaya Farmers Parliament kin bud ryntih ia ki kyndon treikam jong ka Hill Farmer Union bad kumjuh ruh ia ki kyndon pyniaid Dorbar jong ka 1st Meghalaya Farmer Parliament.

Ki la kular ruh ban treihok bad ban iasaid ia ki jingeh jong ki nongrep ha ka jylla kumba la bynshet ki da ka buit ka bor baroh katkum ka jinglah jongki bad ki la pan ruh ia ka Born a U Blei. Kine ki dkhot ki la bud ia ki kyntien ba la pynsmai da u bah Commander Shangpliang uba dei u president jong ka HFU.

Hadien ba la bamsmai na ka liang jong u bah Commander shangpliang u la batai ia ki prokram kiba iadei bad ki sngi ban long  Dorbar ha ka 4 bad 5 tarik  mynta u bnai. Ha kine ki Dorbar kan don ka jingbatai da ki heh sorkar halor ki mission jong ka sorkar kum ka Lakadong Mission, Mushroom Mission, Milk Mission, jackfruit mission, Ri jongri bad kiwei kiwei.

Ha ka 5 tarik kan don ka jingkren jong ki nongrep ki ban sei ia ki ishu kiba ki iakynduh jingeh bad kumjuh ruh ki jingai jingmtu sha ka sorkar khnang ba kan long ka jingmyntoi n aka bynta ki nongrep ka jylla baroh kawei. Hadien kane ki nongrep kin sa ioh ban wanrah ia ki jingeh hakhmat u Deputy Chief Minister u ban wan ban iashim bynta ha ka 5 tarik. Ha ka 4 tarik yn plié ia kane ka dorbar da u Myntri Rangbah ka jylla u Conrad Sangma.

Ha ka jingpynsmai mynta ka sngi la ioh jingkren ruh ia lyngkot da u bah Alfondbirth Kharsyntiew General Secretary ka HFU uba la batai ba kane ka Dorbar ka dei kaba la prat lynti da ka seng HFU bad u la ong ruh ba ka jingthmu jong kane ka Dorbar ka long ban sngap bad iohsngew  ia ka sur jong ki nongrep ka jylla baroh kawei namar baroh shi katta ym shym la don mano mano ban iarap pynsngew ka sur ki nongrep.

 

What Next?

Recent Articles

Leave a Reply

Submit Comment

*