Shillong, Rymphang 04: U Bah ED Nongsiang Lamphang jong ka Youth Hostel Association of India ba dei jong ka shnat Meghalaya u la ong ba kin sdang naduh la shai ka sngi ia ka “Explorer Meghalaya Caving Treaking” ha kaba 368 ngut ki briew kin wan ban ia shim bynta kiba dei na kylleng ki jylla jong ka Ri India.
Haba kren ha ki lad ptahi khubor mynta ka sngi u la ong ba ia kane ka jingleit ban jngoh ia ki jaka ha kane ka jylla ka ban sdang la shai ka sngi bad kan kut haduh ka 17 tarik mynta u bnai bad ia kine ki 368 ngut la phiah ha ki hynniew tylli ki kynhun.
Kine ki briew kiba la wan na kylleng ka Ri India kin leit nyngkong sha Krem Puri bad krem Mawjymbuin ha Mawsynram bad nongta kin leit sha Laitryngew bad nangtei kin mih bad iaid da ka kjat sha Nongrait ba don ka jingkieng jri ar mala kane kan shim por san sngi lynter haduh bad a dep.
U Bah Nongsiang kum u Lamphang ka YHAI jong ka jylla Meghalaya u la ong ba ki juh pynlong ia kane, kan long kum shibynta ban tehsong ia ka Ri, ha kaba ki briew na kylleng ka Ri India kin ia kynduh ha ka juh ka jaka.
Ha ka juh ka por kane ka jingpynlong ia ka EMCT ka long ban pynphriang sha ka pyrthei ki jaka jngohkai kaba ka jylla Meghalaya ka don ban pyni sha ka pyrthei. Ki ban ia shim bynta ha kane ka jingiaid ka long kiba 15 snem shaneng bad hapoh ka 65 snem ka rta.
