Shillong, Nailur 22: Ha ka kyrteng jong ka Khasi Aurthor’s Society u President u Dr DRL Nonglait u ai ka jingkitbok ba kito kiba mynsaw ha ka jingkhyllem ka rynsan kaba ki ia rieh slap mynta ka sngi ha Madan Malki katba dang iaid ka jingialang ba kin khlain noh kloi.
Ha kane ka jingkhyllem ka rynsan kaba ia rieh slap katba ka jingialang jong ka KAS ha Madan Malki ka dang iaid la ong ba ki don saw ngut ha kaba la pynkit ia ki mar mar da ki kali Ambulance 108 kiba la don ha ka jaka ba don jingialang.
Kane ka rynsan kam dei kaba la shna na ka bynta kane ka jingialang, hynrei ka dei ka rynsan kaba la shna na ka bynta ba kan don ia iew mela ha kane ka jaka ha u bnai ban wan hynrei na ka daw jong ka jingslap katba ka jingialang ka dang iaid bad na ka daw jong ka jingkhia kala wanrah ia ka jingkhyllem ka rynsan.
