Jowai, Kyllalyngkot 06: Ka Khasi Students Union Jaintia Hills District Unit haka kyrwoh bala pyllait da u President Ka Seng, ka la ai khublei kitbok kitrwiang ia u General Secy Barim Jong ka Seng, u Samla Albinus Lamarong uba la pynkhreh ialade ban iakhun kum u MDC na Sumer Constituency haka Election kaban wan.
Lah ban pynkynmaw u samla Albinus Lamurong ula rung shaka Seng KSU naduh u snem 2008 kum u President ba nyngkong duh ka Amlarem Unit, hadien nangta kum u President Ka Amlarem Circle bad ha u snem 2014 kum u Asst GS Ka KSU JHDU, bad ha u snem 2017 pat ula bat kum u GS ka KSU JHDU tad haduh ba u la risain ialade bad rung syndon sha ka Seng PDF .
Ka Seng kam lah khlem da ai ka jingiaroh iaki kam bad matti jong u samla Albinus kiba u la lah leh haka por ba u dang don haka Seng. “Udei uwei na ki samla uba smat ban beh iaki kam jong ka seng bad uba kitkhia iaki kamram ba la bynshet ha u khlem da thlia ei ei” la ong ka kyrwoh naka Seng.
“Ngi kitbok kitrwiang ia u tei u Samla ba un poi sha ka thong jong ka jingjop kumba u la angnud ban shakri khambha shuh shuh iaka jaitbynriew ” la ong ka kyrwoh naka Seng.
