Shillong, Naiwieng 12: Yn iarap ka HYC ia ki Khun Hynniewtrep ba shong madan kiba Shem jingeh ban pyndap ia ki form ka Distict council .
Na ka liang ka HYC , Shillong City nyngk
ong eh ngi ai Khublei ia ka KHADC khamtam eh ia u Bah Paul lyngdoh kiba la shim ka Rai Rangbah ban rat dyngkhong ia ka Benami bad ban iarap ia ki Khun Hynniewtrep kiba im ja na kaba shong madan.
Ngi la ioh jingtip ruh ba bun bah ki khasi kiba shong madan ki la leit shim form na KHADC ban register ia lade Kum ki nongdie madan. Ngi ai Khublei ia phi baroh bad ngi kitbok ia phi ba phin bha ka Kamai kajih.
Na ka liang ka seng ngi la ioh jingtip ba kiba bun ki khasi ba leit iakhih ha khadc ki la shah ialam bakla ha kito ki briew kiba ia dei shyieng krung bad ki Dkhar , kiba la mlen ka leh benami bad kito kiba Kamai ja ban pyrshah ia ki issue ka jaidbynriew Hynniewtrep man ka por. Hadien ba la pynshai kibun ki la Shai bad Mynta ki la kloi ban iatreilang.
Ka seng HYC Shillong City da kawei ka jingmut ngi sngew ban pyntip Sha phi ki khun Hynniewtrep ba Lada Don Mano Mano ki khun Hynniewtrep kiba Shem jingeh bad lada jia ba phi Shem jingeh ban pyndap ia ki form ne pynbiang ia ki jingdon Kam Sngewbha pyntip Sha ka seng bad ki long la kloi ban iarap Lang ia phi.
Kito kiba Shem jingeh Sngewbha wan ha ophis ka HYC kaba Don ha mawlai Nongkwar hajan ka Basic School lane shu phone ha kine ki number ( president HYC , shillong city +91 98637 42385 & Gen Secretary HYC, Shillong City +91 70056 24948). Ong u Bah John Lyngdoh President ka HYC Shillong City.
