Kloi ka sorkar ban weng noh ia ka GVK, kam don jingbah khlieh ia ki nongtrei 108

Shillong, Naiwieng 11: Ka seng MEMRIWU mynta ka sngi kala leit ban ia kynduh ia u Bah AL Hek myntri  ka koit ka khiah ban ia kren halor ka jingdawa ka jong ki kaba la sah mynta la palat shisnem ia kaba ka sorkar kam shym la kren shai ei ei haduh mynta.

Ha kane ka jingiakynduh na ka liangu myntri ka tnad ka koit ka khiah u la kren shai ba ka sorkar ka kloi ban weng noh ia ka kompnei GVK na kane ka jylla, hynrei kam don pat ka jingbah khlieh ia ki nongtrei jong ka 108 Ambulance ha kane ka jylla, la ong u Bah Roipar Kharraswai.

Haba kren ha ki lad pathai khubor ha dien ka jingiakynduh bad u myntri ka koit ka khiah u nongialam jong ka MEMRIWU u la ong ba ka jingiakynduh mynta ka sngi ka long beit ban weng ia ka GVK kompeni na kane ka jylla kim shym la ia kren shuh ia ki mat jingdawa ha kaba u myntri u la ong ba ka sorkar ka kloi ban weng noh ia katei ka kompeni.

Haba la ia kren pat ia ki nongtrei ha kaba ia dei bad ka kam, la pynsngew ba lada ka sorkar ka hap ban thung da kawei ka kompeni ki hap ban iaid thymmai ia ka rukom thung kam, na ka liang jong ka MEMRIWU ka kwah ba ka sorkar ka dei ban peit iaki namar ki la trei mynta la palat khatwei snem.

Na ka liang jong u Bah Roipar u la ong ba halor kane ka jingiakren ki hap ban rah sha ka kynhun jong ki ban ia kren shuwa ban shim ia kano kano ka roi namar tang ki kim lah ban jubab ia kaei kaba kin leh, hynrei u la pynthikna ba ka jingiakren mynta ka sngi ruh kam long kaba hun ka jingiakhih kan dang beteng.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet