Shillong, Naitung 18: Ha ka miet sngi nyngkong kala don ka jingiaklumar hapoh jong ka JDU Cement kaba don ha East Jiantia ha kaba la hiar da ki pulit ban pynjem ia kane ka jingiaklumar hapdeng ki nongtrei bad ki nongpyniaid ia kane ka karkhana shna dewbilat ha katei ka jaka.
Katkum ka jingiathuh jong ki nongtrei na kane ka karkhana la ong ba ka daw baroh ka long ba ki nongtrei kim shym la ioh ia ka tulop jong ki la bun bun bnai mynta, la ong ba ki don kiba hynriew bnai, kiba san bnai, kiba lai bnai bad ki don ruh kiba la hynniew haduh phra bnai. Ka daw jong ka jingiaklumar hapoh jong kane ka karkhana shna dewbilat.
Ka daw tynrai kaba la pynlong ia ki nongtrei kane ka karkhana ban sngeh trei myntaka long ka long ba u wei na ki nongpyniaid u la pyrshang ban jongkti ia u wei na ki nongtrei bad kane kala pynbitar ia ki nongtrei bad khang khyrdep ia kane ka karkhana mynta ka sngi da kaba sngeh trei, la iathuh ba ki pulit ruh kila wan.
Haba kren ha u SP News Agency na ka liang jong u Superintendent jong ki pulit jong ka East Jiantia Hills District, u la ong ba ka jingiakajia hapoh katei ka karkhana shna dewbilat ka long ha ka miet sngi Nyngkong ha ka por kumba jhatwei duna ei ei bad ki pulit ki la leit ban pynjem ia kane ka jingia ka jaia jong ki.
