Klumar ka jingsngap paidbah ha Khliehrait, mynsaw 7 ngut ki pulit, kum juh ki paidbah

Shillong, Naiwieng 21: Mynta ka sngi kala mih ka jingklumar ha jhliehriat ha ka jaka kaba la buh ban pynlong ia ka jingsngap paidbah halor ka jingkwah shim jaka shuh ka Kompeni Star Cement ha Brichyrnot ha East Jaintia Hills District.

Ha kane ka jingklumar kaba la long ha pdeng ki pulit bad ki paidbah kiba la ialum ha katei ka jaka ki pulit kiba la mynsaw ki don hynniew ngut katba ia ki riew paidbah haduh ba thoh ia kane ka khubor ym pat lah ban ioh jingkhein katno ngut hynrei kila don kiba mynsaw.

U Superintendent ki Pulit jong ka East Jaintia Hills District haba kren ha u SP News Agency u la iathuh ba ki pulit kiba la mynsaw ha kane ka jingiaklumar ki long 7 ngut, ka jingmynsaw jong ki ka long ba kala don ka jingkawang maw na ka liang jong ki paidbah sha ki pulit.

La ong haba ioh ia kane ka jingleh jong ki paidbah na ka liang jong ki pulit kim ban se ban siat da ki lyer pynsat khmat ban pynpra ia ki paidbah ba ha kane ka jingjia kila don kiba mynsaw hynrei katno ngut ym pat lah ban tip haduh ba thoh ia kane ka khubor.

Na ka liang jong ki paidbah kila tur da ka bor ban pynpra ia ka jingkhang lynti jong ki pulit bad na ka liang jong ki pulit ruh kila ialeh ban khang ia kane ka jingiatur ki paidbah ha kane ka jingialeh kala don ka jingiamynsaw bad na ka liang jong u DC haba iohi ia kane ka jingjia u la pynsangeh noh ia ka jingsngap paidbah.

Kane ka jingpynlong ia ka jingsngap paidbah halor ka jingkwah jong ka kompeni Star Cement ban shim jaka shuh ka dei ka sien kaba lai bad mynta ka sngi, ia ki jingpynlong ia ki jingsngap paidbah ha ka sien kaba nyngkong bad kaba ar la pynlong ha jan Brichyrnot ha kaba baroh ar sien kila pulom.

What Next?

Recent Articles

Leave a Reply

Submit Comment

*