Shillong, Rymphang 13: Ban pynpaw ia ka jingkmen ba ka sorkar BJP ha Delhi ba ka khlem lah ban pdiang ia ka Citizenship (Amendment) Bill 2016 hapoh Rajya Sabha mynta ka sngi kaba long pyrshah ia ki paidbah ka dong shatei lam mih ngi jong ka Ri India, ka Khasi Student’s Union (KSU) mynta ka sngi kala pynlong ia ka jingiaid paidbah ha kylleng ka nongbah Shillong.
Kane ka jingiaid paidbah kala sdang na ka ophis jong ka seng ha Jaiaw bad ki iaid sha Motphran, sha Police Bazar, sha ki bynta jong ka Laitumkhrah bad wan phai biang sha ka ophis jong ka seng, kane ka jingbym lah ban wanrah jong ka BJP ia ka CAB mynta ka sngi ka dei ka jingjop jong ki paidbah.
Mynta ka sngi kaba dei ka sngi kut jong ka jingiashong dorbar ha parliament, na ka daw jong ka jingpyrshah jong ki liang pyrshah la hap ban pynwai noh ia ka iing dorbar mynta ka sngi bad kane ka jingpynwai noh ia ka iing dorbar ka jingthmu jong ka sorkar BJP ban wanrah ia kane ka bill CAB kala pulom.
