Kmen ka KSU SWKH District ba wan baphra ka Amyca na Nonghyllam ha ka eksam SSLC

Shillong, Jymmang 27: Ka Amyca MarweAmyca Marweinin kaba dei na shnong Nonghyllam South West Khasi Hills District ka la long ka nuksa ba bha ia ki khynnah pule jong ka Ranikor Community and Rural Development Block ha kaba kala poi ha ka kyrdan ba kham shakhmat ha ka SSLC exam jong ka MBOSE da kaba ka la lah ban poi haka kyrdan ba phra haka exam matrik mynta u snem.

Ka Amyca ka dei ka khun jong u bah Klaspar Hahshah bam Kwai ha dwar u Blei  bad kala  la pyndep iaka SSLC na Seven Set Higher Secondary School Shillong da kaba ioh 563 marks bad lada khien lang ia baroh kala kot sha ka 93.83 % ha kaba kala ioh distinction ha baroh ki subject lem bad 100 marks iaka subject Science and Technology.

Ka KSU Ranikor Circle ka la ioh ban iakren bad ka  Amyca ha kaba ka la ong ba “Nyngkong nongshap nga ainguh ia u Blei trai kynrad uba lah don ryngkat lang bad nga khlem ma u lehse ngam lah ba ngan poi kumne uba lah kyrkhu ia nga. Nga ai khublei sha kiba iing kiba lah ai mynsiem ia nga khamtam eh ia i pa watla im don shuh ha pyrthei hynrei na lyndet ka pyrthei i dang kynmaw ia ngi ki khun bad nga ai khublei ruh kyrpang ruh ia ki nonghikai jong ka skul kiba lah kyrshan ia nga bad ki lah ai ka buit ka bor bad ki lah trei shitom na ka bynta jong nga ym tang ba nga ioh jingstad hynrei ki hikai ruh ia ka burom ka akor”.

Ka la bynrap shuh shuh da kaba ong ba “Na ka liang jong nga naduh dang rit nga thrang ban wan shkhmat ha ka jingpule, lada u briew u stad katno Katno ruh hynrei khlem ka jingtrei shitom ngim lah ban wan shkhmat ne poi sha ka thong haka jingim. Ngam lah ban len shibun ki jingeh ngi ia kynduh hynrei ngim dei ban tlot ne ringswai hynrei tur beit shakhmat khnang ba ngin lah ban poi sha ka thong. Ngam don da kiwei ki buit kiba pynlong ianga ban poi shakhmat hynrei tang ka jingminot.

La ong shuh shuh “ha ka jingpule jong nga nga shait pynlut por 4 kynta ha ka por leit skul bad ha por ba lah kut skul por khreh kot nga shait pynlut 7 ne 8 kynta . Kane kadei tang ka jingsdang jong nga bad bad ngan trei shitom shuh shuh nangne shakhmat khnang ban ngan lah ban pynurlong ia ki jingangnud jong nga”.

Na ka bynta ki para samla pule kala ong ba ka ai mynsiem, Khamtam ia ka thain Ranikor Block ba watla ki dang sahdien ha baroh ki liang khamtam eh haka pule puthi hynrei to ia trei shitom bad trei minot, kiar kiar na ki kam kai ne ban ngop ha ki jingpynshoi ba bunjait khnang ba ngin ioh kheit ia u soh ba ki angngud nangne shakhmat ” la pynkut ka Amyca Marwein.

Na ka liang jong ka KSU Ranikor Circle pat lyngba u Samla Shatbor K. Turnia,  Education Secretary,  ka pynpaw iaka jingkhublei kyrpang ia ka Amyca Marwein namar ka jing pass bha jong  ka la wanrah nam rah burom ym tang ia ka ne iaka iing ka sem hynrei ki sngew ka dei ka burom kaba Khraw iaka dong ka thain Ranikor kaba dang dei kawei naki thain ba dang kham sahdien khamtam haka liang ka pule puthi bad ngi ngeit ba ka dei ka burom kaba Khraw ruh iaka ri bad ka Jaitbynriew.

ka ai ka jingkitbok kitrwiang ia ka ba in Nang kiew shaphrang bad trei shitom shuh shuh haki sngi ban wan.  Ngi kyntu ruh iaki Samla ka thain ban trei shitom namar ka jingnang jingstad ka dei kawei naka iktiar ba khlainbor tam ka ban kyrshan iaphi,  iaka ing ka sem bad Khamtam eh iaka RI bad ka Jaitbynriew.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet