Shillong, Jymmang 27: Ka Khasi Students union Jaiñtia Hills District, ka la pynpaw ïa ka jingkmen bad sngew sarong haduh katta katta ban ïohi ïa ki result ba bha jong ki khun samla khynthei bad synrang jong baroh ka Bri u Hynniewtrep ha kaba ki lah ban pass bha bad lyngba ka jingtrei shitom jong ki ha ki eksam bapher bapher kum ka SSLC, HSSLC, ICSCmynta u snem.
Katkum ka kyrwoh na u Samla J.Paul Lyngdoh Education secreatary ka seng ka la pynpaw ïa ka jingai khublei ba kyrpang sha baroh ki samla kiba la leh bha bad wan shakhmat ha kine ki jingïaleh eksam jong ki. Ka seng ka la pynpaw ruh ïa ka jingai khublei ïa ki nonghikai, ki kmie ki kpa bad ïa ki skul ba ki mih.Lyngba ki jingpass bha jong ki samla pule jong ngi kala paw ba ngi lah sdang ban kiew shuh shuh ha ka jingnang jingstad (Literacy Rate).
Ka seng ka ai khublei kyrpang ruh ïa kito ki Samla kiba la wanrah burom ïa ka District bad iaka jylla hi baroh kawei ha kaba ki la Pass bha bad ïoh Distinction ha ka Subject Ba pher bapher.
Kumjuh ruh ka seng ka la pynpaw ïa ka jingai mynsiem ruh ïa kito ki Samla ki bym shym la ïoh ban lehbha, ba kim dei ban long kiba duh jingkyrmen ba kin nangtrei shitom nangne shakhmat khnang ba kin ïoh ban kheit ïa u soh jong ka jingjop.
