Shillong, Jymmang 19: Ki Nongialam ka HYC Mawlai Umjaiur unit bad Mawlai circle mynta ka sngi 19/5/2020 ki la bteng bia
ng ban noh jingiarap ia 40 tylli ki longiing kiba shah ktah ha ka lockdown kiba dei na ka Shnong Mawlai Umjaiur.
Ha kane ka sngi la pyniaid ia ka jingialang ba lyngkot hapoh iing shnong da u Samla Lamphrang Warbah General secretary ka Umjaiur unit bad la ioh ki ki jingkren na u Samla Bashan Lyngdoh Mawnai bad Bah Donboklang Kharlyngdoh General secretary bad President ka HYC Mawlai circle.
Ka seng ka la Ong ngi long kiba kloi ban iarap ia ki para ri kiba shah ktah ha ka lockdown, khamtam kiba duna ia u khaw ha kum kane ka por, namar lada ngim iarap mynta lano pat Hynrei kawei ngim dei pat ban shim kabu, ne lehrain ha kane ka por, uba don u dei ban iathuh ba u dang don, u bym don shuh u dei ban iathuh bym don Khaw shuh.
Ka seng ka kyntu ruh ia ki para nong shong shnong ba ngi dei ban long kiba la kloi ban iarap ia ki Marjan marpa kiba duna ha kum kane ka por, namar ka seng kam kwah ba Nalor ka Khlam COVID-19 yn wan sa ka Khlam iapthngan hapoh ka Ri.
Ka Seng ka kyntu ruh ia ki Paitbah nongshong Shnong ba kin kynmaw mar kylliang ha ki Jingduwai, khamtam ba u Blei un ioh ban pynkynriah noh ia kane ka Khlam na shi tyllup ka pyrthei. kane ka dei katkum ka kyrwoh kaba la phah da u Bah Shanbor Marwein na ka seng HYC.
