Shillong, Jymmang 26: Ka HYC Mawlai Mawiong unit mynta ka sngi 25/5/2020 hapoh ka jingialam u Samla D. Iawphniaw ka l
a leit ban kner ki jingiarap Sha ka longiing Jong u Bah C.Marbaniang kaba don ha Mawiong Umjapung dong Rumnong kaba la shah tep lup namar ka jingtwa Jong ka kynroh iing u para marjan, hadien ka jingther Jong u lapbah u bajur kaba la jia ha ka sngi thohdieng 22/5/2020.
Haba ai jingkren u Samla D.Iawphniaw u la ong hapdeng kaba Kum katei ka jingjia, ka HYC ka pynpaw ka jingsngew nguh bad ai burom iu Kynrad namar kam shem la ktah ia ka mynsiem briew. Ha kane ka sngi ka unit ka la kner ia ki jingiarap kaba rit lyngba u Khaw, Phan ki khiew shet 3 tylli, ki Blanket 5tylli ha ryngkat ka pisa.
La ioh ruh ka jingkren na u Rangbah Shnong Bah Anthony Kharkongor uba la pynpaw ka jingaikhublei ia ka HYC kaba la kloi ban iarap lem ia kane ka longiing, u la iathuh ba na ka Liang Jong ka Mawlai C&RD block ruh ki la wan jngoh bad u kyrmen ba kan sa don ka jingiarap wat na katei ka department ruh, ha kaba iadei bad kane ka jingjia. Kane ka long katkum ka kyrwoh bala phah da u Bah Shanbor Marwein organising secretary ka HYC Mawlai Circle.
