Shillong, Iaiong 24: Mynta ka sngi ha ka por hynriew baje mynstep ki briew na nongkyndong kila wan kiew sha Shillong ban wan thied ia ki marbam ryngkat ka pass kali kaba la ai da u Block Development Ophisar jong ka Sohiong Block East Khasi Hills District.
Haba kren ha u SP News Agency khlem da pynpaw ia ka kyrteng jong ka kong kaba la shah knieh ia ka pass kali ban wan thied tiar kala iathuh ba kane kala jia ha ka por hynriew baje katba ki dang don ha Umsherpi.
La iathuh ba ki pulit ba don ha katei ka jaka ha katei ka por kila shu shim khlem da kren bad kila khylliap ia ka pass kali bad thep hapoh pla jong ki bad leit noh. La iathuh ba ha dien la wan ki Magistrate ha kaba u Magistrate u la hap ban shu soi noh ha ka slip thied tiar ban pyni ba la shah ia ka kali ban iaid.
U Rangbah shnong Umsaw u bah S Kharjana la iathuh ba ia ka pass kali ban leit thied tiar la ai da u Block Development Officer jong ka Sohiong Block hynrei ka long kaei kaba kaba sngewsih ban iohi ba ki pulit ki leh ha kane ka rukom ban shu knieh ia ki pass kali. Na ka liang jong ka shnong kala hap ban ai biang ia ka jingthoh.
