Tura, Iaiong 22: ka seng Garo National Council kala pynlong ia ka jingialang paidbah jong ka ha ka shnong jong u president ba la khlad noh, u Clifford R Marak ha Sibbari, ha kane ka jingialang paidbah jong ka seng la ia kren ia kaei kaba party kala leh naduh ki snem ban la seng ia ka ha u snem 1940 ha kaba u myntri rangbah ba nyngkong ka jylla u Captain Willam Sangma u la long u president ba nyngkong jong ka party.
Ha kane ka jingialang paidbah jong ka seng la ia kren sani ha kaba ia dei bad ka Election MLA sha ka iing dorbar thawain kaban long ha sdang snem jong u 2018. Na ka liang jong ka seng kala kyntu ia ki nongtrei ba kin ia trei shitom khnang ba ha u tei u snem ka seng kan jop la kumno kumno haduh hynniew ngut ki MLA jong ka party ha Garo Hills.
Haba ia dei bad ka ain kaba la pass da ka iing dorbar jong ka GHADC ha kane dang shem na ka liang jong u Vice President jong ka seng u Augustine Marak u la pynshai paidbah ba kane ka Bill kan nym ktah ia ki Garo kiba la dep ban ia shong kha khleh kiba la dep ha kine ki snem kiba la dep hynrei kan ktah tang ia kito ki ban dang ia shong kha yn da ia kane ka ain la ai ia ka jingmynjur da u Lat jong ka jylla.
La pynkynmaw ruh ba kumno ka party ha ki snem 1966 ka ia treilang bad ka seng APHLC ban ia dawa ia ka jylla Meghalaya ha kaba kila ia buh ia kawei ka jingpyrta no Hills State na Rest bad kane ka jingialeh ka la neh haduh ban da ioh ia ka jylla bapura jong ka Meghalaya.
Ha kane ka sngi ka GNC kala jied ruh ia ki nongkit kam kiba thymmai jong ka party, ha kane ka jingialang la jied ia ka kurim jong u Clifford R Marak bam kwai ha dwar u blei ka Kalpana D Sangma ba kan long kum ka president jong ka party, U Augustine R Marak u bad u Haringston R Marak kila shah jied kum ki Vice president, u Henysing A Sangma kum u Genenral Secretary. Nalor jong kine la jied ruh shibun ki nongkit kam hapoh jong ka seng.
